రిజర్వ్ బ్యాంక్ రేటు

కొన్ని (పదుల?) సంవత్సరాలక్రితం, ‘బ్యాంక్ రేట్’ అని ఒకటుండేది.
అంటే బ్యాంకులు ‘డిస్కౌంట్’ చేసిన బిల్లులని {బిల్లులంటే, అప్పట్లో సైటు బిల్లులు అని వుండేవి లెండి—"ఈ బిల్లుని మేము చూసిన తరవాత ‘ఇన్ని’ నెలలలోగా, మీ బిల్లుని ఆనర్ చేస్తాము"…అంటే మీరు చెప్పిన మొత్తం, మీరు చెప్పిన వడ్డీ తొ సహా, (లేక వడ్డీ లేకుండా) చెల్లిస్తాము. మేము దీనికి ‘అంగీకరిస్తున్నాము’ (ఆక్సెప్టెన్స్) అని ‘డ్రాయీ’ సంతకంచేసేవారు.}.

ఇలాంటి బిల్లుల్ని రిజర్వ్ బ్యాంకు ‘రీడిస్కౌంట్’ చేసుకొని, బ్యాంకులకి ఆ మొత్తాలు చెల్లించేది….ఆ డబ్బుతో, బ్యాంకులు మరిన్ని బిల్లుల్ని డిస్కౌంట్ చేసేవి!

అయితే, బ్యాంకులు, మాటవరసకి 10% డిస్కౌంట్ తీసుకొంటే, రిజర్వు బ్యాంకు దాని మీదో ఒకటో, ఒకటిన్నరో శాతం ఎక్కువ కి ‘రీడిస్కౌంట్’ చేసేది….అంటే, బ్యాంకు రేటు 11.00% లేక 11.50% అన్నమాట.

బ్యాంకులు ఈ బ్యాంకు రేట్ ని ఆధారంగా తీసుకుని, తమ మిగిలిన ఆస్థులకి (అంటే ప్రజలు తీసుకునే అప్పులు) ‘బ్యాంక్ రేట్ పై ‘ఇంత’ శాతం అధికంగా….అని చెప్పుకుంటూ, వడ్డీ వసూలు చేసేవి.

అదీ బ్యాంక్ రేటంటే.

మరి దీని గొప్పేమిటట?

వస్తానక్కడికే!